Boallobeavdi sámegielaide ja eará gielaide dihtoris ja giehtatelefuvnnas

Buot ođđaáigásaš operatiivasystemain (Linux, Mac, Windows) leat juo boallobeavddit davvisámegillii, ja moatti dáhpáhusas maid eará sámegielaide. Gč. iežat dihtora giella- ja boallobeavdeválljemiid.

Jus it gávnna giela dahje boallobeavddi maid háliidat, de sáhtát geavahit Divvun- ja Giellatekno-boallobevddiid sámegielaide ja moatti eará gillii.

Boallobeavdi mobiltelefuvnnas

Giellatekno ja Divvun leaba dahkan boallobevddiid čieža sámegillii Androidii ja iPhonii. Don sáhtát daid viežžat ja sajáiduhttit nuvttá.