Automáhtalaš analysa gávdnan dihte Pr versus Po

Aviisačoakkáldaga leat analyseren Romssa Universitehta analysáhtoriin mii rievtti mielde leat guokte analysáhtora. Nubbi analysáhtor geavaha loahpalaš dilletransdusera – FST (eŋg. finite state transducer) – analyseret morfologiija. Dat lea kompilerejuvvon Xerox kompiláhtoriin. Syntávssalaš analysáhtora vuođđuduvvá ráddjehusgrammatihkkii (constraint grammar). Grammatihkas leat ráddjehusat (constraints) das makkár konteavsttain iešguhtet morfologalaš analysa sáhttá leat. Ráddjehusgrammatihkkii gullet njuolggadusat, ja njuolggadusat kompilerejuvvojit vislcg3-prográmmain (Visl-group 2008).

Go analyseriimet aviisačoakkáldaga, de mii leat dušše váldán mielde cealkagiid mat addet ollislaš analysa. Cealkagat main leat sánit mat eai atte analysa čállin- dahje formatterenmeattáhusaid dihte, eai leat mielde. Aviisačoakkáldaga bohtosat:

Muhtumin šaddá boasttoanalysa, juogo danne go grammahtalaš konteavstta vuođul lea váttis automáhtalaš analysáhtorii mearridit rivttes analysa, dahje danne go čállinmeattáhusa dihte sánit ožžot boasttoanalysa. Buot njeallje adposišuvnna sáhttet maid geavahuvvot advearban, nu ahte leat golbma vejolaš analysa. miehtá sáhttá maid leat vearba.

rastá cealkagiid mii leat divvon manuálalaččat, nu ahte dan logut galggašedje leat riekta. Eará adposišuvnnaiguin leat dárkkistan 250-300 dáhpáhusa, ja dan vuođul leat rehkenastán man luohtehahttit logut leat. Proseantalohku muitala ahte rivttes lohku sáhttá leat gitta dan mađe stuorit dahje unnit go lohku mii lea bajábeal tabeallas.