Buresboahtin Giellateknoi – sámi giellateknologiija dutkanjovkui

På nordsamisk Davvisámegillii  På norsk Norsk  På finsk Suomeksi  På engelsk English  På russisk Русский

Giellatekno laktá oktii sámegiela ja eará morfologiijarikkes gielaid lingvisttalaš ja dihtorlingvisttalaš dutkama geavatlaš prográmmaid ovddidemiin. Mii fokuseret erenoamážit čiekŋalis lingvisttalaš modelleremii mii lea vuođđuduvvon morfologalaš analysii mii galgá doaibmat giela buot osiin.

Mii doarjut sámi giellaservodagaid geavatlaš prográmmaid ovddideami bokte. Min mihttomearri lea doarjut sihke giellageavaheami ja giellaoahppama ja dahkat gielaid eanet olámuttus. Jagis 2012 oaččuimet, ovttas Divvun-joavkkuin, Gollegiella-bálkkašumi, min barggu rámideapmin.

Mii leat viiddidan iežamet barggu eará gielaide main leat unnán giellateknologalaš resurssat, erenoamážit eará sirkumpolára gielaide. Min analysat ja reaiddut dahket álkibun vehádatgielaide ovddidit giellateknologiija mii lea eaktun giela ceavzimii geavahangiellan ođđaáigásaš servodagas. Loga eanet dás: Indigenous language technology