UIT The arctic university of Norway > Giellatekno
 

Bargobádji - workshop Romssas 16.-17.8.2012

Ođđa UnivOahpa bargobádji lágiduvvo borgemánu 16-17. b. Romssa Universitehtas. Dieđihanáigemearri lea 13.8. Fuobmá ahte dii lehpet mielde prográmmas - mii háliidit din ráhkkanit dasa.

Ulbmiljoavku: Oahpaheaddjit geat áigot ovttasráđiid Romssa Universitehtain fállat SAM-1030, SAM-1031, vej. eará kurssaid.

Ulbmil: Oahpásmuvvat reaidduide ja oahppanbálgáide. Ságastallat oahpahusa birra.

Ruhtadeapmi: Giellatekno sáhttá gokčat orruma, mátkki ja borramuša ovtta olbmui guhtege ovttasbargoásahusas. Mii gokčat ekonomiijabileahtaid/vuodjima. Mii várret hoteallalanjaid didjiide, ja hotealla sádde rehkega njuolga universitehtii, nu ahte dárbbašit diehtit goassáža rájes guhtege oasseváldi dárbbaša idjasaji, go galgat várret lanjaid. Duorastat iđida mii álgit diibmu 10.00, nu ahte lea vejolaš mátkkoštit iđđesgirdiin. Mátkki gokčabehtet ieža álggos, ja čállibehtet midjiide mátkerehkega maŋŋel.

Jus eambbogat háliidit searvat de leat dieđusge bures boahtin ja ožžot vel beaiveborrama, muhto sin mátkki ferte bargoaddi gokčat.

Mun bivddán din vástidit midjiide goas lehpet boahtime.

Latnjanummir lea TEO-H4 4.402 (Teorifagbygget Hus 4 – gč. kárttas ). Latnja lea seammá viesus gos min kantuvrrat leat (ja gos doalaimet bargobáji guovvamánus), muhto 4. gearddis. Jus lea váttis gávdnat lanja, riŋges tlf. 41021011 (Lene). Jus boađát táksiin, de dáhtut vuoddji bisánit Mix-kioska olggobealde. Teoriijafágagárdin 4 lea dalle bajábeal geainnu.

Duorastaga prográmma:

10.00 Buresboahtin, geavatlaš dieđut. Mii rahpat Google Docs-dokumeantta.

10.15-11.00 Kurssaid sisdoalu birra: SAM-1030, SAM-1031, (SAM-1032, SAM-1033) (Biret-Ánne, Laila)

11.00-12.00 Oahpa-prográmmat: Mii lea ođas? (Lene)

12.00-12.30 Beaiveborran

12.45-16.00 Oahppat geavahit ođđa reaidduid oahppanbálgáid oktavuođas

15.30-16.00 Čoahkkáigeassu

20.00 Mállásat

Bearjadaga prográmma:

9.00 Vásáhusat: Juohke giellaguovddáš muitala su 15 min (Biret-Ánne)

10.00-12.00 Gulahallan studeanttaiguin ja studeanttaid čuovvuleapmi, ságastallan (Biret-Ánne)

12.00-12.30 Beaiveborran

12.45-13.30 Min dutkan. Ovttasbargu oahpaheddjiid ja giellatekno gaskkas (Lene)

13.30-14.00 Ovddos guvlui

Ođđa čujuhusat

Oahpa-prográmmaide gullet maid Sahka ja Vasta . Ávžžuhit din geahččalit dáid prográmmaid ovdalgo boahtibehtet bargobadjái.

Mii áigut maid bargat ollu dihtoriin. Muitet fal dihtora váldit mielde Romsii.

Jus dii háliidehpet digaštallat eará áššiid, de sáhttit áinnas čáhkkehit daidda maid saji prográmmii.