Bargobádji - workshop Romssas 2.-3.2.2012

Dál leat prográmma ja eará praktihkalaš bealit bargobáji oktavuođas čielgan. Lanjat leat várrejuvvon hoteallas Quality Hotel Saga duorastaga rájes. Muitet fal dihtora váldit mielde Romsii.

Livččii maid buorre jus geahčastivččiidet veahá Oahpa-prográmmaid ovdal bargobáji, dás: (https://oahpa.uit.no/univ_oahpa/). Mii háliidit gullat din oaiviliid/vásáhusaid daid birra. Oahpa-prográmmaide gullet sihke sániid jorgaleapmi ovtta gielas nubbái (Leksa), sániid sojaheapmi (Morfa-S ja Morfa-C) ja jearaldagaide vástideapmi (Vasta).

Oahpa-prográmmaide gullá maid Sahka (https://oahpa.uit.no/univ_oahpa/sahka/), mas leat dialogat. Prográmma lea geahččaladdandásis, ja mii áigut ságastallat das mo ráhkadit dialogaid mat leat heivehuvvon kurssa fáttáide, sihke sátnevuorkká ja grammatihka dáfus. Ávžžuhit din geahččalit dialogaid ovdalgo boahtibehtet bargobádjái.

Prográmma:

Duorastaga

• 10.00 UnivOahpa birra (LA)
• 10.15 Prográmmaid sajáiduhttin - Divvun, stardict (TT)
• 10.30 SAM-1031 sisdoallu (BÁ)
• 11.30 Bákkolaš bargobihtát, njálmmálaš eksámen (LA)
• 12.30 Beaiveborran
• 13.30 Oahpaheddjiid siiddut, čállit kursasiiddu jnv (BÁ)
• 14.30 Oahpaheddjiid sisaloggen oahpa-loggii (BÁ)
• 15.00 - 16.00 Oahpa-prográmmat (BÁ, LA)
• 20.00 Oktasaš mállásat

Bearjadaga

• 9.00 Šearbmajuogadeapmi, jnv (TT)
• 9.30 (joatkka:) Oahpa-prográmmat (BÁ), Sahka (LA)
• 11.30 Eará reaiddut - sátnegirjjit (TT)
• 12.00 Studeanttaid logat ja dutkan (LA)
• 12.30 Beaiveborran - (Giellaguovddážiid oassi bargobajis nohká)
• 13.30 Helsset Universitehta ja UnivOahpa (Irja ja UiT)

Jus dii háliidehpet digaštallat eará áššiid, de sáhttit áinnas čáhkkehit daidda maid saji prográmmii.

Mii doallat bargobaji dáppe: Teoriijafágagárdin 4, 5. gearddis, latnja nr. 4.553