Lullisámi sátnegirji
Voestes digibaakoeh - lullisámi-dáru sátnegirji
Voestes digibaakoeh lea lullisámi-dáru elektrovnnalaš sátnegirji. Sátnegirjji sáhtát installeret iežat dihtorii. Vejolaččat bohtet ođđa veršuvnnat dađistaga.
- Sajáiduhte sátnegirjji iežat dihtorii (Mac OS 10.5 dahje ođđaset). (Dađi bahábut sátnegirji ii doaimma MAC OS X:s boarráset go 10.5.)
- Sajáiduhte sátnegirjji iežat dihtorii (Windows ja Linux)
Sátnegirjji sisdoallu
Sátnegirji vuođđoduvvá sátnelisttuide maid Albert Jåma ja Tove Brustad leaba ráhkadan, ja maid "Hemnes Samiske Forening" lea almmuhan neahttasiidduidasas. Dasa lassin leat lasihan dábáleamos sániid lullisámi teavsttain, erenoamážit leat geahččan oahppogirjjiin, ja sullii 1000 lullisámi báikenama maid leat viežžan Statens Kartverkas ja ruoŧa Sámedikki neahttasiiddus. Verbh!-girjjis leat lasihan buot vearbbaid.
Sátnegirjjis leat 11.000 vuođđosáni, muhto dasa lassin leat eanaš sátnehámit mielde. Dat máksá ahte sátnegirji dovdá sojahuvvon sániid maid. Veahkkin geavaheaddjái mii addit maid verbbaid, substantiivvaid, lohkosániid ja adjektiivvaid čoavddahámiid.
Sátnegirjji gáldokoda lea viežžanládje. Mii váldit áinnas vuostá dieđuid dahje mii sáhttit ovttasbargat earáiguin buoridit sátnegirjji.
Dás leat ovdamearkkat Macintoshas ja Windowsas:
