Digitála sátnegirjjit

1. Viečča ja sajáiduhte StarDict-prográmma, mii doaibmá beroškeahttá dihtorvuogádagas. Das lea rabas gáldokoda ja lea vel nuvttá, ja das leat iešvuođat maid mii dárbbašit. Go leat sajáiduhttán dan, de sáhtát heivehit prográmma reaidduid nogo háliidat, ee. hilgut dahje sihkkut ovdalgihtii-válljejuvvon sátnegirjjiid (Main Menu->Manage Dict), rievdadit fonttaid (Main Menu->Preferences), jnv.
   • Windowsii: StarDict 3.0.1. (Ferte leat veršuvdna 3.0.1., iige ođđasat veršuvnna.)
   • Linuxii: QStarDict (testejuvvon GNU/Linuxis, sáhttá maid doaibmat eará UNIX-veršuvnnain)
   • Fedora/Linuxii: StarDict 3.0.1.
   • Debian/Linuxii: StarDict 3.0.1.
2. Viečča ja raba (unzip) sátnegirjefiilla(id):
   • Davvisámi sátnegirjji
   • Lullisámi sátnegirjji
3. Sámi sátnegirjifiila maid leat viežžan, lea páhkkejuvvon (.zip), ja don fertet dan rahpat (duppalklikket/olgešklikket). Boađus lea máhppa mas leat máŋga fiilla maid sátnegirjeprográmma geavaha.
4. Vai StarDict sáhttá gávdnat sámi sátnegirjefiilla, de fertet sirdit dan StarDicta sátnegirjemáhppii:
   • Windowsis, bálggis lea dábáláččat C:\Program files\stardict\dic\
   • Linuxis, bálggis lea dábáláččat /usr/share/stardict/dic
5. Don sáhtát Stardict-máhpas sihkkut boarrásat veršuvnna sámi sátnegirjjis maid leat vejolaččat viežžan ovdal.

Iskka sátnegirjji sajáiduhttima:

• Raba Stardict-prográmma.
• Deaddil Viesso-boalu mii lea bajimusas olgešbealde (Main Menu), ja deaddil dasto Manage Dicts.
• Vállje sátnegirjji maid leat aiddo sajáiduhttán. Sáhtát sirdit dan listtu bajimussii. 

Stardict-prográmma sáhtát juogo geavahit sierra prográmman, dahje sáhtát spoahkkalastit sámegiel sániid teavsttas. Sierra prográmman StarDict doaibmá buot Windows-veršuvnnain, muhto spoahkkalastin ii doaimma seammá bures juohke Windows-veršuvnnas, iige juohke prográmmas (buorebut XP:s go ođđasat veršuvnnain, ja buorebut Microsoft-programmain go eará buvttadeddjiid prográmmain).