Bures boahttin sámi giellateknologiija prošektii

Davvisámegiela sátnehápmi nugo omd. giela sáhttá leat sáni giella akkusatiiva dahje genitiiva ovttaidlohku. Vuosttás ovdamearkkas dat lea genitiiva posessora (giela mearkkašupmi) dahje postposišuvdna mearus (giela birra). Nubbi ovdamearkkas dat lea objeakta (dovddan dan giela). Gramatihkalaš analiisa lea proseassa mii addá buot vejolaš morfologalaš ja syntávttalaš iešvuođaid dihto sátnehámis, ja disambigueren, lea proseassa mii mearrida makkár olámuttos iešvuođat gustot dihto oktavuođas.

Sátnehápmeanaliisa lea ávkin go hálida gávdnat sáni vuođđohámi vaikko makkár sátnehámis. Hápmi humat sáhttá omd. lea lea sojahuvvon hápmi sániin hupmat, humahit, humadit, hupma. Disambigueren lea ávkkálaš teakstaanaliissas. Jus hálida diehtit goas dihto sátnehápmi dego giela geavahuvvo objektan, de ferte vuos iskat jus dat lea akkusatiivahápmi dahje genetiivahápmi.

Sátnegenereren máksá ahte sátnehámit genererejuvvo, leksema ja grammatihkalaš meroštusa bokte. Sátnehápmegeneratora sáhttá muitalit ahte boahtit sáni indikatiiva preseansa ovttaidlohku lea boađán.

Sátnehápmeanaliisa lea ávkkálaš pedagogalaš oktavuođas, gos oahppi omd. imašta makkár boahtit sáni preseansa guvttiidlohku lea (dat lea bohte). Lea maiddái vuđolaš oassi mašiidnajorgalan vuogádagas. Jus hálida jorgalit «I come» davvisámegillii, de dárbbaša proseassa mii vuolgá boahtit sánis boađán sátnái.

Prošeakta lea ráhkadan smávva web-prográmmat gos sáhtát geahččalit min teknologiija interaktiivvalaččat.

Fálus gurutbealde sáhtát disambigueret ja analyseret davvisámi sániid ja cealkagiid, ja analyseret julev- ja máttasámi sániid. Sáhtát maid genereret davvi-, julev- ja máttasámi sániid ja loguid.

Maŋemuš rievdaduvvon: $Date: 2005/08/23 10:46:32 $, by $Author: boerre $